/ 
/ 
Vikipedio:Kio estas artikolo
El Vikipedio
Estas multaj paĝoj en la Vikipedio, multe pli da paĝoj ol tiuj, kiujn ni fakte rigardas kiel verajn artikolojn.
Kio estas vera artikolo? Oni povas difini Vikipedian artikolon kiel paĝon, kiu estas en la datumbazo, kaj kiu havas enciklopedian aŭ almanakan informon (almanaka informo: listoj, tempoj, tabeloj, ktp).
Tio ne inkluzivas paĝojn en iuj el la nomspacoj, kiujn ni uzas por aliaj celoj:
- la nomspaco Vikipedio:xyz por materialo pri la funkciado de la Vikipedio (ekzemple Vikipedio:Kiel redakti paĝon)
- la nomspaco Diskuto:xyz por diskutado pri la enhavo de artikoloj (ekzemple, Diskuto:Esperanto)
- la nomspaco Speciala:xyz, kiun la programo kreas aŭtomate (ekzemple Speciala:Lastaj Ŝanĝoj)
- la nomspaco Vikipediisto:xyz por paĝoj pri la kontribuantoj de la Vikipedio (ekzemple, Vikipediisto:Chuck SMITH)
- la nomspaco Dosiero:xyz por priskribado de dosieroj en la Vikipedio (ekzemple Dosiero:Zamenhof.jpg)
- la nomspaco Kategorio:xyz por priskribado kaj listado de kategorioj en la Vikipedio (ekzemple Kategorio:Vikipedio)
Krome estas multaj ne-artikoloj en la artikola nomspaco. Plejparte temas pri la jenaj:
- la Ĉefpaĝo
- centoj da tre malgrandaj paĝoj, kiujn oni ankoraŭ ne povas rigardi kiel verajn artikolojn
- miloj da alidirektoj, kiuj estas uzataj por plusendi vizitantojn de unu paĝo al alia.
Normale la vikipediistoj sekvas la ĉi-antaŭajn gvidliniojn, sed kelkfoje estas malfacile scii, kio estas, kaj kio ne estas artikoleto. Tial la termino "artikolo" povas esti uzata ankaŭ por ĉio en la artikola nomspaco, kiu ne estas alidirekto, krom la Ĉefpaĝo. Sed por kalkuli nian paĝaran statistikon, ni bezonas difinon uzeblan por aŭtomata nombrado de artikoloj. Tiam artikoloj, kiuj ne havas komon ne estas inkluzivigataj en la nombron.
Niaj konsiloj en nomoj de titoloj temas nur pri elektado de nomoj de veraj (enciklopediaj kaj almanakaj) artikoloj. Por via propra vikipediista artikolo, vi povas uzi ian ajn majusklecon kaj nombroformon, kiun vi deziras.