తెలుగు సినిమా పేలిన డైలాగులు

వికీపీడియా నుండి

ఇక్కడికి గెంతు: పేజీకి సంబంధించిన లింకులు, అన్వేషణ

ఒక్కో సినిమాలో కొన్ని డైలాగులు బాగా జనాదరణ పొందుతాయి. అప్పుడు డైలాగు పేలింది అని సినిమా పరిభాషలో అంటారు. ఆ డైలాగులు నెలలు తరబడి, కొన్నిసార్లు సంవత్సరాల తరబడి ప్రజల నోట్లలో నానుతుంటాయి. భాషలో భాగాలైపోతాయి. మాటలకు అందాన్ని తెచ్చిపెడతాయి. వ్యంగ్యంగా మాట్లాడడానికి క్రొత్త మార్గాలను చూపెడతాయి. అటువంటి కొన్ని డైలాగులను పొదుపరచడం ఈ వ్యాసం లక్ష్యం.

అటువంటి డైలాగులు సందర్భాన్ని బట్టీ, చెప్పిన వారి ప్రతిభను బట్టీ హిట్టవుతాయి. కొన్ని డైలాగులు పొడవైనవి కావచ్చు. కొన్ని చాలా చిన్న వాక్యాలు కాని ("వెళ్ళవయ్యా వెళ్ళు"), కేవలం పదాలు గాని ("సుత్తి"), ఊత పదాలు గాని కావచ్చును.

[మార్చు] పాతాళభైరవి

(ఎస్.వి. రంగారావు) సాహసము సేయరా డింభకా! రాకుమారి దక్కునురా!

[మార్చు] మాయాబజార్

(ఎస్.వి. రంగారావు) ఎవరూ పుట్టించకుండా పదాలు ఎలా పుడతాయి? వెయ్యి వీరతాడు.

[మార్చు] ముత్యాలముగ్గు

ఈ సినిమాలో పాటలకంటే సంభాషణలు ఎక్కువగా ప్రజాదరణ పొందాయి. ఒకటి కాదు. దాదాపు అన్నీను. వాటిని తూర్పు గోదావరి యాసలో రావు గోపాలరావు చెప్పిన తీరు తెలుగువారికి సాహిత్యంలో భాగమై పోయింది.

అల్లొల్లొల్లొ - జోగినాధం గారా
సెగట్రీ! సూరీడు నెత్తుటి గడ్డలా లేడూ!ఆకాసంలో ఎదో మర్డరు జరిగినట్టు లేదూ.... ఎప్పుడూ యదవ బిగినెస్సేనా. మడిసన్నాక కుసంత కలాపోసనుండాల. తిని తొంగుంటే మడిసికీ గొడ్డుకూ తేడా ఏటుంటది?
అబ్బో ముసలాడు రసికుడేరా!
సెరిత్ర సెరిపేత్తే సెరిగిపోదు. సింపేత్తే సిరిగి పోదు.
ఓరంత కట్టపడిపోతన్నావేటిరా కొత్తపెళ్ళి కొడకా
ఆ ముక్క నేను లెక్కెట్టుకో మునపే సెప్పాల... డిక్కీలో తోయించేగల్ను జగరత్త

అయితే ఒక్కసారి వచ్చిన మాడా "డవలాగులు" ఊరూరా మోగిపోయాయి

మర్డరు కెంత? మెడిసిను సీటుకెంత? కాలు చేయి తియ్యడానికెంత? మర్డరుకూ సీటుకూ ఎంత? వోల్ మొత్తం మీత ఏమయినా కన్సెసను ఉందా? ఈ విసయంలో మీకు నాకు ఒక కాంప్రొమైజైషన్ కుదిరితే నా జిల్లా మొత్తం తీసుకొచ్చి మీ చేతుల్లో పెడతాను.